Dünya

25 ildə Antarktidada buz rəflərinin 40%-dən çoxu əriyib

13 Oktyabr 2023 15:04
Baxış: 1 020
VTB-də minimal faiz dərəcəsi ilə nağd kredit 9.9%-dən
#DÜNYADA #ANTARKTİDA

1997-ci ildən 2021-ci ilə qədər Antarktida ətrafındakı 162 (43%) buz rəfindən 71-i kiçilib və 7,5 trilyon ton ərimiş su okeanlara axıb.

Milli.Az "report"a istinadən bildirir ki, "Lids" universitetinin britaniyalı alimləri bu qənaətə gəliblər.

Araşdırma "Science Advances" elmi jurnalında dərc olunub. Mütəxəssislər yüz mindən çox peyk şəklini təhlil edərək, Antarktidanın qərb tərəfindəki demək olar ki, bütün buzlaqların ölçüsünün kiçilməsini, bəzilərinin isə ilkin həcminin 30%-ni itirdiyini aşkar ediblər.

Araşdırmaya rəhbərlik edən Benjamin Davison deyib ki, buz şelfinin çökməsinin qarışıq mənzərəsi var və bu, okeanın temperaturu və Antarktida ətrafındakı axınlarla bağlıdır:

"Qitənin qərb hissəsi isti suya məruz qalır, Şərqi Antarktidanın çox hissəsi isə hazırda soyuq suyun sahil zolağı ilə əriməkdən qorunur".

Alimlər deyiblər ki, texnogen qlobal istiləşmə, ehtimal ki, buz itkisində əsas amildir. Belə ki, əgər buzlar təbii dəyişikliklər nəticəsində ərisəydi bəzi yerlərdə buzlaqların bərpası əlamətləri görünərdi.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.