Dünya

Çinin müdafiə naziri vəzifəsindən uzaqlaşdırıldı

15 Sentyabr 2023 08:08
Baxış: 990
VTB-də minimal faiz dərəcəsi ilə nağd kredit 9.9%-dən
#ÇİN

Çinin müdafiə naziri Li Şanfu vəzifəsindən uzaqlaşdırılıb və onunla bağlı təhqiqat aparılır.

Milli.Az report-a istinadən xəbər verir ki, bu barədə "Financial Times" kəşfiyyat məlumatları ilə tanış üç amerikalı məmur və iki şəxsə istinadən yazıb.

FT durumu "Pekinin hərbi və xarici siyasət isteblişmentinin elit üzvləri arasında xaosun növbəti əlaməti" kimi təsvir edir.

Xatırladaq ki, daha öncə "Reuters" agentliyi Li Şanfunun iki həftədən çox ictimaiyyət qarşısına çıxmadığını bildirib.

Yayın əvvəlində ölkənin xarici işlər naziri Sin Qan uzun müddət ictimaiyyət qarşısına çıxmayıb. XİN başçısının vəziyyətini sağlamlıqla əlaqələndirməyə çalışsalar da, sonradan vəzifəsindən azad olunub. O, cəmi altı ay nazir vəzifəsində çalışıb. Versiyalardan birinə görə, buna səbəb məmurun Honkonq televiziyasının jurnalisti Fu Syaotyanla romantik münasibəti olub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.