Dünya

Vəzifəli şəxsə rüşvətə görə edam cəzası verildi

13 Sentyabr 2023 13:49
Baxış: 1 471
VTB-də minimal faiz dərəcəsi ilə nağd kredit 9.9%-dən
#DÜNYADA #ÇİN #EDAM #SIĞORTA

Çinin ən böyük sığorta şirkətlərindən biri olan "China Life Insurance"ın direktorlar şurasının keçmiş sədri Vanq Venbin iki il müddətinə möhlətlə edam cəzasına məhkum edilib.

Milli.Az oxu.az-a istinadən bildirir ki, Çin Mərkəzi Televiziyasının məlumatına görə, müvafiq qərarı Cinan şəhərinin (şərqi Şandun əyaləti) Aralıq Xalq Məhkəməsi qəbul edib.

Şirkətin partiya komitəsinə də rəhbərlik edən keçmiş məmur rüşvət almaqda, eləcə də xaricdəki əmlakını gizlətməkdə təqsirli bilinib. Məhkəmə qərarında deyilir ki, iki il müddətinə möhlət verildikdən sonra qanuna uyğun olaraq cəza azadlığa buraxılmamaq şərti ilə ömürlük azadlıqdan məhrumetmə ilə əvəz olunacaq. Vanq Venbinin bütün şəxsi əmlakı və aktivləri də dövlət nəfinə müsadirə edilməlidir.

Vanq Venbin 1997-2021-ci illərdə müxtəlif dövlət vəzifələrində çalışıb. Bu müddət ərzində o, birbaşa və ya üçüncü şəxslər vasitəsilə ümumilikdə 325 milyon yuan (45,7 milyon dollar) məbləğində rüşvət alıb. Bundan əlavə, o, qanunsuz olaraq xaricdə təxminən 56,42 milyon yuan (7,9 milyon dollar) gizlədib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.