Dünya

Təyyarə pilotu və sərnişinlər girov götürülüb

8 Fevral 2023 07:19
Baxış: 1 237
VTB-də minimal faiz dərəcəsi ilə nağd kredit 9.9%-dən
#İNDONEZİYA

İndoneziyanın Qərbi Papua əyalətində İndoneziyanın "Susi Air" təyyarəsinin Yeni Zelandiyadan olan pilotu və onun 5 sərnişini silahlılar tərəfindən girov götürülüb.

Milli.Az Trend-ə istinadən bildirir ki, bunu Yeni Zelandiyanın baş naziri Kris Hipkins deyib.

Onun sözlərinə görə, hökumət "vəziyyətdən xəbərdardır və Yeni Zelandiyanın İndoneziyadakı səfirliyinin əməkdaşları bu iş üzərində işləyirlər".

"Onlar hələ bizə baş verənlər və vəziyyəti həll etmək üçün nə etdikləri barədə tam təfərrüatları təqdim etməyiblər, lakin biz bilirik ki, bunun üzərində iş gedir", - deyə baş nazir bildirib.

Yeni Zelandiya Xarici İşlər Nazirliyi pilotun ailəsinə konsulluq dəstəyi verdiyini bildirib, lakin məxfilik qanunlarına istinad edərək əlavə şərh verməkdən imtina edib.

Həmçinin bildirilir ki, "Azad Papua Hərəkatı" separatçı təşkilatının (İndoneziyada terrorçu struktur hesab olunur) hərbi qanadı - Qərbi Papua Milli Azadlıq Ordusu hücuma görə məsuliyyəti öz üzərinə götürüb və pilotun İndoneziya hökuməti tərəfindən regionun müstəqilliyini tanımımıyana qədər buraxılmayacağını bildirib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.