PUL
.png)
.jpg)
.jpg)
Yanvarın 14-də Almaniyanın Volfsburq şəhərində "Volkswagen" şirkətinin sabiq direktoru Karl Horst Han 96 yaşında dünyasını dəyişib.
Milli.Az "report"a istinadən bildirir ki, eks-direktorun ölümü barədə onun fondunun nümayəndəsi "Bloomberg" agentliyinə deyib.
Nəşr qeyd edib ki, Karl Hanın marketinq bacarıqları sayəsində "Volkswagen Käfer" minik avtomobili tarixdə ən çox satılan model olub: 1945-2003-cü illərdə 21,5 milyon ədəddən çox istehsal edilib.
1959-1964-cü illərdə Han "Volkswagen"in amerikan törəmə şirkətinin rəhbəri olub. Bundan sonra o, "Volkswagen"in idarə heyətinə seçilib və o, Almaniyadakı "Volkswagen"in baş ofisinə köçərək avtomobil istehsalçısının satışlarına rəhbərlik edib. 1973-cü ildə o, şirkəti tərk edib, lakin 1982-ci ildə geri qayıdıb və baş direktor və direktorlar şurasının rəhbəri olub. 1993-cü ilə qədər baş direktor vəzifəsini tutub. Bu dövrdə "Volkswagen" Avropada 1 nömrəli avtomobil istehsalçısına çevrilib, Çində və Şərqi Avropada yeni fabriklər açıb, İspaniyanın "Seat" avtomobil şirkətini alıb və "Volkswagen Golf" modelinin yeni versiyalarını təqdim edib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
