Dünya

"İranda ehtimal edilən qaz çatışmazlığı aksiyaları daha da alovlandıra bilər" - ABŞ İnstitutu

22 Dekabr 2022 11:19
Baxış: 1 121
VTB-də minimal faiz dərəcəsi ilə nağd kredit 10.49%-dən

"İran qarşıdakı qış aylarında qaz çatışmazlığı ilə üzləşə bilər".

Milli.Az "Report"a istinadən xəbər verir ki, bu barədə ABŞ-ın Müharibə Araşdırmaları İnstitutu məlumat yayıb.

Bildirilib ki, İran Prezidenti İbrahim Rəisi dekabrın 21-də qaza qənaət edilməsi barədə danışıb: "O, enerji istehlakının azaldılması haqqında göstərişlər verib. Hökumət rəsmiləri qaz çatışmazlığından narahat olduqlarını söyləyiblər. Bu problem mövcud rejim əleyhinə narazılıqları daha da alovlandıra bilər".

İnstitut həmçinin İranla Səudiyyə Ərəbistanı arasındakı münasibətlərdən yazıb: "İranın xarici işlər naziri Hüseyn Əmir Abdullahiyan dekabrın 21-də Əmmanda keçirilən Əməkdaşlıq və Tərəfdaşlıq üzrə Bağdad Konfransı çərçivəsində səudiyyəli həmkarı Feysəl bin Fərhan Al Səud ilə görüşüb. Abdullahiyan bildirib ki, İran Səudiyyə Ərəbistanı ilə münasibətləri bərpa etməyə hazırdır".

Milli.Az 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.