Dünya

BMT TŞ Əhməd Əl Şaraanı sanksiya siyahısından çıxardı

7 Noyabr 2025 00:37

Baxış: 204

VTB-də yüksək depozit faizleri daha çox qazandırır

#SURİYA

Suriya Prezidenti Əhməd Əl-Şaranın 10 noyabrda Ağ Evdə ABŞ Prezidenti Donald Tramp ilə keçirəcəyi görüş öncəsi Birləşmiş Millətlər Təşkilatı mühüm qərar verib. BMT Təhlükəsizlik Şurası Suriya Dövlət Başçısı Əhməd Əl-Şara və Suriya daxili işlər naziri Enes Hattaba qarşı tətbiq edilən sanksiyaları götürüb.

Milli.Az xəbər verir ki, məsələ BMT Təhlükəsizlik Şurasında müzakirə olunub və ABŞ tərəfindən təqdim edilən qərar səsverməyə çıxarılıb. Səsvermədə iştirak edən 14 ölkənin hamısı sanksiyaların ləğvinin lehinə səs verib. Təhlükəsizlik Şurasının ümumilikdə 15 üzvü var, onların 5-i daimi üzv statusuna malikdir.

Gələcək görüşdə Suriya ilə ABŞ arasında münasibətlərin normallaşdırılması, eləcə də Suriya iqtisadiyyatına qarşı tətbiq edilən sanksiyaların ləğv edilməsi kimi məsələlərin əsas müzakirə mövzusu olacağı gözlənilir.

ABŞ Dövlət Departamenti bir müddət əvvəl Suriya iqtisadiyyatını hədəf alan və "Sezar Qanunu" kimi tanınan sanksiya paketinin Konqres tərəfindən ləğv edilməsini dəstəklədiyini açıqlamışdı.

Departament sözçüsü bəyanatda bildirmişdi ki, Sezar Qanununun ləğvi ilə bağlı hüquqi dəyişikliklərin hal-hazırda Konqresin gündəmində olan 2026 Müdafiə Büdcəsi Qanununa (NDAA) daxil ediləcəyi gözlənilir:

"Administrasiya Sezar Qanununun ləğvini dəstəkləyir. Konqres bu dəyişiklikləri NDAA paketinə daxil etməlidir."

Bu qərarın, Tramp və Şara arasında Vaşinqtonda keçiriləcək görüşün siyasi əhəmiyyətini daha da artırdığı bildirilir.

Milli.Az