Dünya

"Ukrayna Silahlı Qüvvələri hücuma hazırlaşır" - Zelenski

25 Noyabr 2022 08:02
Baxış: 918
VTB-də minimal faiz dərəcəsi ilə nağd kredit 9.9%-dən
#RUSİYA-UKRAYNA MÜHARİBƏSİ

Prezident Volodimir Zelenski bildirib ki, Ukrayna hərbçiləri cəbhənin bütün istiqamətlərində əsas mövqeləri qoruyub saxlayır, bəzi bölgələrdə irəliləməyə hazırlaşırlar.

Milli.Az bildirir ki, bu barədə "report" Ukrayna mətbuatına istinadən xəbər verir.

"Biz ön cəbhə xəttindəki vəziyyəti çox diqqətlə və ətraflı araşdırdıq. Nə qədər çətin olsa da, bütün istiqamətlərdə əsas mövqeləri saxlayırıq. Bizim uşaqlar (hərbçilər - red) cəsarətlə müdafiə olunurlar. Elə sahələr var ki, orada irəliləməyə hazırlaşırıq", - Prezident axşam videomüraciətində bildirib.

Zelenskinin sözlərinə görə, ərazilərə ruslar tərəfindən əlavə qüvvələrin köçürülməsi də qeydə alınıb.

"Biz onların bu qüvvələrini "mənfiləşdirmək" üçün hər şeyi edirik", - dövlət başçısı bildirib.

O, Ukrayna üçün döyüşən və çalışan hər kəsə təşəkkür edib.

"Doqquz aylıq genişmiqyaslı müharibəyə tab gətirdik və Rusiya bizi sındırmaq üçün bir yol tapmadı və tapa bilməyəcək. Biz bu cür dayanmağa davam etməliyik! Birlikdə və bir-birimizə kömək edərək", - Prezident vurğulayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.