Dünya

Kiyevdə işıqların tam kəsilməsi halında üç milyon insanın təxliyəsi planlaşdırılır

6 Noyabr 2022 14:51

Baxış: 780

VTB-də minimal faiz dərəcəsi ilə nağd kredit 10.49%-dən

#RUSİYA-UKRAYNA MÜHARİBƏSİ

Ukraynanın paytaxtı Kiyevin sakinlərinin "tam təxliyəsi" üçün hazırlıqlar başlayıb.

Milli.Az "Report"a istinadən xəbər verir ki, bunu ABŞ-ın "The New York Times" nəşri iddia edib.

"Ukrayna paytaxtının rəsmiləri deyirlər ki, onlar bir vaxtlar ağlasığmaz ehtimalı planlaşdırmağa başlayıblar: elektrik enerjisinin tam kəsilməsi ilə şəhərin üç milyona yaxın sakininin təxliyəsi", - nəşr yazıb.

Qəzet qeyd edib ki, elektrik şəbəkəsində tam nasazlığın qarşısını almaq üçün Ukraynanın milli energetika şirkəti yeddi regionda elektrik enerjisinin kəsilməsini davam etdirəcəyini bildirib.

Kiyev şəhər administrasiyasının bələdiyyə təhlükəsizliyi departamentinin direktoru Roman Tkaçukun sözlərinə görə, Kiyev bütün şəhərin elektrik təchizatı sistemini itirə bilər.

O əlavə edib ki, Kiyev rəsmiləri sistem sıradan çıxmazdan 12 saat əvvəl xəbərdar ediləcək və bu baş verərsə, şəhər rəhbərliyi yerli sakinlərə məlumat verməyə və onlardan getmələrini xahiş edəcək.

Milli.Az