Texnologiya

Android iOS-dan daha təhlükəsiz imiş

1 Noyabr 2025 15:00

Baxış: 340

VTB-də yüksək depozit faizleri daha çox qazandırır

#TEXNOLOGİYA #MOBİL TELEFON #GOOGLE ANDROİD #IOS

"Google" şirkətinin apardığı araşdırma Android əməliyyat sisteminin iOS-a nisbətən daha təhlükəsiz olduğunu göstərib.

Milli.Az xəbər verir ki, Bu barədə məlumat "Google"un rəsmi bloqunda yayımlanıb.

Tədqiqat YouGov şirkəti ilə birgə aparılıb və ABŞ, Hindistan və Braziliyadan olan 5000 smartfon istifadəçisi arasında sorğu keçirilib. Nəticələrə əsasən, iPhone istifadəçiləri Android sahiblərindən 65 faiz daha çox həftə ərzində ən azı üç və ya daha çox fırıldaqçı SMS aldıqlarını bildirib.

Əksinə, Android istifadəçiləri 58 faiz daha çox hallarda heç bir dələduzluq mesajı almadıqlarını deyiblər. Bundan başqa, Android sahibləri iOS istifadəçilərinə nisbətən 20 faiz daha çox hallarda cihazlarının müdafiə sistemini "çox effektiv" və ya "son dərəcə effektiv" kimi qiymətləndirib.

Google mütəxəssisləri qeyd ediblər ki, Android əməliyyat sistemi çağırışların filtrasiyası, fırıldaqçılığın aşkarlanması və real vaxtda xəbərdarlıqla autentifikasiya kimi xüsusiyyətlər sayəsində istifadəçiləri daha yaxşı qoruyur.

Beləliklə, araşdırma nəticəsində Android-in zərərli spam və fırıldaqçılıqdan qorunma baxımından iOS-dan daha təhlükəsiz olduğu qənaətinə gəlinib.

İsmayıl
Milli.Az