Dünya

Yeniyetmə 11 saylı məktəbə bıçaqla girdi, direktoru ölümlə hədələdi

26 Oktyabr 2022 13:37

Baxış: 5 364

VTB-də minimal faiz dərəcəsi ilə nağd kredit 10.49%-dən

#RUSİYA

Rusiyada, Volqoqrad vilayətində polis məktəbə bıçaqla gələn və direktoru öldürməklə hədələyən yeniyetməni saxlayıb.

Milli.Az Rusiya mətbuatına istinadən bildirir ki, 16 yaşlı Yelisey günorta saatlarında 11 saylı məktəbə gəlib. Bu zaman giriş qapısı adətən bərkidilir, lakin Yelisey qapını qırıb və gözətçinin qarşısında dayanıb. Sonra oğlan qışqırmağa başlayıb ki, direktor onun yanına gəlsin. Davranışına görə, şagirdin sərxoş olduğu bildirilib.

Qadın direktor səs-küyə gələndə Yelisey qəfildən qatlanan bıçağı çıxarıb qışqırmağa başlayıb ki, onu öldürəcək. Ehtimal olunub ki, o köçürülməsinə belə reaksiya verib: keçən ilə qədər oğlan bu məktəbdə oxuyurdu və 8-ci sinifdə başqa məktəbə gedib. Gözətçi və müəllim şagirdi sakitləşdirməyə çalışarkən direktor kabinetinə qaçaraq panik düyməsini basıb.

Gələn əməliyyatçılar Yeliseyi saxlayıblar. Bu hadisəyə görə ona qarşı ölümlə hədələdiyi üçün cinayət işi açılıb - indi oğlanı iki ilə qədər həbs gözləyir.

İrfan Vəliyev
Milli.Az