Dünya

Zelenskidən Rusiya vətəndaşlarına səfərbərliklə bağlı müraciət: "Etiraz edin ya da əsir düşün"

23 Sentyabr 2022 07:55
Baxış: 1 197

Prezident Volodimir Zelenski Rusiya vətəndaşlarına Ukraynaya qarşı müharibəyə səfərbərliklə bağlı müraciət edərək onları etiraz etməyə və ya əsir düşməyə çağırıb.

Milli.Az bildirir ki, bu barədə "report" UNİAN-a istinadən xəbər verir.

"Rusiya danışıqlar aparmaq istədiyini bildirəndə özü səfərbərlik elan edir... Rusiya hər hansı psevdoreferendum keçirdikdən sonra Ukraynanın diplomatik prosesin mümkünsüzlüyü ilə bağlı dəqiq mövqeyini bilir... Hər şey hamıya aydındır. Rusiya özü də danışıqlar perspektivini öz əlləri ilə gizlədir".

Ukrayna lideri Rusiya vətəndaşlarına rus dilində müraciət edib.

"Rusiyanın şəhərlərində səfərbərliyə qarşı etiraz aksiyaları keçirilib. Kütləvi olmasa da, olub. Və var. Bu da bir göstəricidir. Təkcə Moskva və Sankt-Peterburqda deyil. Rusiyanın regionlarında real əhval-ruhiyyəni bilirik. Görürük ki, Dağıstanda, Buryatiyada, Rusiyanın digər milli respublikalarında və regionlarında insanlar sadəcə atıldıqlarını başa düşürlər. (Onları-red) Ölümə atıblar", - Prezident qeyd edib.

Zelenski "məsələn, dağıstanlıların niyə Xarkov vilayətində və ya Donetsk yaxınlığında ölməli olduğunu" soruşub.

"Bəli, ona görə ki, Rusiyada bir nəfər belə qərar verib - bütün Rusiya vətəndaşları üçün. Başqa səbəb yoxdur. O, belə istəyir", - dövlət başçısı əlavə edib.

Rusiya vətəndaşlarına müraciət edən Zelenski vurğulayıb ki, onlar "ukraynalıların bütün bu cinayətlərində, qətllərində və işgəncələrində artıq əlbirdirlər".

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics