Dünya

Ermənistanda 62 yaşlı kişi dövlət binalarını partladacağı ilə hədələyib

17 Avqust 2022 07:28
0 Şərh     Baxış: 618

Ermənistanın Gümrü rayonunda, Dövlət Gəlirləri Komitəsinin (vergi xidməti) yerli şöbəsində bomba ilə bağlı saxta həyəcan siqnalı verilməsi faktı üzrə cinayət işi açılıb.

Milli.Az "report"a istinadən bildirir ki, bu barədə İstintaq Komitəsinin mətbuat xidməti məlumat yayıb.

Məlum olub ki, naməlum şəxs avqustun 15-də və dünən müxtəlif saatlarda polisə zəng edərək özünü Gevorq Sarkisyan kimi təqdim edib. O, parlamenti, Dövlət Gəlirləri Komitəsinin Gümrüdəki şöbəsini və digər inzibati binaları partlatmaq niyyətində olduğunu bildirib. Onun məlumatları yoxlanılıb, lakin təsdiqlənməyib.

Polis həmin şəxsi yaxalaya bilib. Onun Gümrünün 62 yaşlı sakini olduğu məlum olub. Cinayətkar saxlanılıb.

Hücum barədə yalan məlumat vermə maddəsi ilə ilkin istintaq davam edir.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics