PUL
.jpg)
.png)
ABŞ-da yaşlı qadın qiyafəsində olan oğru bank filialını qarət edib və heç bir dəlil qoymadan qaçmağı bacarıb.
Milli.Az bildirir ki, bu haqda Patch xəbər verib.
Hadisə bazar ertəsi, iyulun 18-də Corciya ştatının Makdono şəhərində baş verib. Hadisə şahidlərinin sözlərinə görə, "Chase" bankın filialına güllü paltar, sarı lateksli əlcək, üzündə qara maska və boz parik geyinmiş şəxs daxil olub. Naməlum şəxs xidməti pəncərələrdən birinə yaxınlaşaraq pul tələb edən yazısı olan kağızı kassaya verib və tapança ilə silahlandığını bildirib.
Bank işçisi qəribə quldurun tələbini yerinə yetirib. Bundan sonra kişi sakitcə bankı tərk edib. Şahidlər cinayətkarı "boyu təxminən 180 santimetr olan arıq adam" kimi təsvir ediblər. Küçədə kişi böyük ağ avtomobilə minib və oradan uzaqlaşıb. Qeyd olunur ki, avtomobil "Lexus" brendinin yeni modellərindən birinə oxşayıb.
Polis kamera görüntülərini araşdırıb, lakin müstəntiqlər quldurun şəxsiyyətini və ya avtomobilinin nömrəsini görə bilməyiblər. Bacarıqlı basqınçının nə qədər vəsait oğurladığı bildirilmir.
İrfan Vəliyev
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.png)
.jpg)
.jpg)
