PUL
.jpg)
Şri-Lanka hökumətinin daha iki naziri vəzifələrindən getdiklərini açıqlayıb.
Milli.Az "Report"a istinadən bildirir ki, bu barədə Şri-Lankanın "Newswire" xəbər portalı məlumat yayıb.
Baş nazirin ardınca turizm naziri Harin Fernando və əmək naziri Manuşa Nanayakkara istefa verib.
Bundan əvvəl ada dövlətinin media, nəqliyyat və avtomobil yolları naziri Bandula Qunavardana istefa verdiyini açıqlamışdı. O, həmçinin hakim Şri-Lanka Xalq Cəbhəsi Partiyasından çıxmaq qərarına gəlib. Şri-Lanka prezidentinin mətbuat xidmətinin rəhbəri Sudeva Hettiaraççi də vəzifəsindən gedib.
İyulun 9-da minlərlə etirazçı Kolombo küçələrinə çıxaraq hazırkı dövlət başçısı Qotabai Rajapaksanın istefasını tələb edib. Onlar prezident iqamətgahına daxil olublar. 30-dan çox insan yaralanıb. Daha sonra etirazçılar baş nazirin iqamətgahının ərazisinə daxil olaraq binanı yandırıblar.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
