Dünya

"Rusiya strateji ərazilər əldə edib"

24 İyun 2022 07:35
0 Şərh     Baxış: 1 122
VTB-də minimal faiz dərəcəsi ilə nağd kredit 9.9%-dən
#RUSİYA-UKRAYNA MÜHARİBƏSİ

"ABŞ və NATO-nun Ukraynada strateji məğlubiyyəti Vaşinqton və onun müttəfiqlərinin keçən ilin yayında Əfqanıstanda üzləşdiyi məğlubiyyətdən daha pis ola bilər".

Milli.Az "report"a istinadən xəbər verir ki, bu barədə jurnalist Uilyam Moloni "The Hill" üçün yazdığı köşə yazısında bildirib.

Müəllif qeyd edir ki, dünyanın əksər hissəsi bu və ya digər səbəbdən sülhün əldə olunmasında israrlı olduğundan, ABŞ və Ukrayna Rusiya ilə danışıqlar aparmalı olacaq. Lakin bu danışıqlarda rus qoşunlarının artıq Ukrayna ərazisinin əhəmiyyətli hissəsinə nəzarət etməsi diqqətə alınacaq:

"İndi, Ukraynadakı müharibənin sürətlə dəyişən mənzərəsində biz, ABŞ-ın NATO-nu qlobal geosiyasi strukturun dramatik şəkildə yenidən konfiqurasiyasına gətirib çıxara biləcək daha da pis strateji rüsvayçılığa apara biləcəyinə dair məşum əlamətləri görürük.

Onun sözlərinə görə, son yüz ilin silahlı münaqişələri göstərdi ki, bu ərazilər artıq Ukraynanın nəzarəti altına qayıtmaya bilər.

"Rusiya strateji ərazilər əldə edib, ona görə də onların təsdiqlənməsi Ukrayna üçün fəlakət, ABŞ üçün isə alçaldıcı olacaq. Gözlənilən qlobal tənəzzül və artan strateji böhran reallığı ilə üzləşən ABŞ və onun müttəfiqləri hərbi qələbə gözləməyi dayandırıblar və sadəcə siyasi sağ qalmağa ümid edirlər".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.