Dünya

"Telegram"-ın pullu versiyası işə salınıb

20 İyun 2022 08:18
0 Şərh     Baxış: 1 394
VTB-də minimal faiz dərəcəsi ilə nağd kredit 9.9%-dən

"Telegram" messenceri istifadəçilərə əlavə funksiyalara giriş imkanı verən ödənişli "Premium" versiyanı işə salıb. Eyni zamanda, tətbiqin özü pulsuz olaraq qalacaq.

Milli.Az Trend-ə istinadən bildirir ki, bu barədə messencerin rəsmi saytında bildirilir.

Qeyd olunur ki, "Telegram"-a pullu abunə olduqdan sonra tətbiqdə demək olar ki, bütün limitlər ikiqat artır. Abunəçilər 4 GB-a qədər faylları yükləyə, faylları maksimum sürətlə endirə, unikal stikerlər və reaksiyalar göndərə, söhbətləri idarə etmək üçün əlavə alətlərdən istifadə edə və bir çox başqa üstünlüklər alacaq.

Eyni zamanda, tətbiqin təxminən on il ərzində görünən bütün funksiyaları pulsuz olaraq qalacaq.

2022-ci ildə "Telegram"-ın aktiv istifadəçilərinin sayı ayda 700 milyon nəfəri ötüb və messencer özü də dünyada ən çox yüklənən beş proqramdan biri olub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.