Dünya

ABŞ Ukraynaya 4 milyard dollardan çox silah və hərbi texnika verib

8 İyun 2022 08:49
0 Şərh     Baxış: 770
VTB-də minimal faiz dərəcəsi ilə nağd kredit 10.49%-dən

İyunun əvvəlində ABŞ Ukraynaya 4 milyard dollardan çox silah və hərbi texnika verib.

Milli.Az "report"a istinadən bildirir ki, bu barədə ABŞ Konqresinin məlumatında deyilir.

Fevralın 24-dən etibarən Ukrayna yüngül zirehli hədəflərə qarşı istifadə edilən 6 500-dən çox tank əleyhinə raket kompleksi, 20 000 ədəd "AT-4" qumbaraatanı, 1 400-dən çox "Stinger" zenit-raket kompleksi, 108 ədəd "M777" haubitsa və onlar üçün 220 mərmi alıb.

Bundan əlavə, Birləşmiş Ştatlar Ukraynanı dörd HIMARS raket sistemləri, 121 "Phoenix Ghost" taktiki pilotsuz uçuş sistemi və 700 ədəd "Switchblade" kamikadze pilotsuz uçan aparatı ilə təmin edib.

Məlumatlara görə, silahların əksəriyyəti həm hərbi, həm də Pentaqonun kirayə verdiyi ağır nəqliyyat təyyarələri vasitəsilə Polşanın Rzeşov şəhərinin Ukrayna ilə sərhədindən 90 km aralıda yerləşən aerodromuna çatdırılıb.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.