Dünya

"Donetsk və Luqansk istiqamətində Rusiyanın 12 hücumu dəf edilib" - Baş Qərargah

18 May 2022 10:30
0 Şərh     Baxış: 1 582

"Son sutkada Ukrayna Silahlı Qüvvələri Donetsk və Luqansk istiqamətlərində Rusiya qoşunlarının 12 hücumunu dəf edib".

Milli.Az "Report"a istinadən xəbər verir ki, məlumatı Ukrayna Silahlı Qüvvələri Baş Qərargahı yayıb.

Bildirilib ki, Donetsk və Luqansk istiqamətində Rusiyanın 3 tankı, 3 artilleriya sistemi, 6 zirehli döyüş maşını və 7 avtomobil texnikası məhv edilib.

Bessarabiya istiqamətində Moldova Respublikasının Dnestryanı regionunda vəziyyət gərgin olaraq qalır və ciddi şəkildə dəyişməyib.

Məlumata görə, Qara və Azov dənizlərində Rusiya Qara dəniz Donanmasının gəmiləri sahil istiqamətində döyüş əməliyyatlarının aparıldığı ərazinin təcrid olunması, kəşfiyyat və atəş dəstəyi üzrə tapşırıqları yerinə yetirməkdə davam edir.

Ötən gün Ukrayna Quru Qoşunlarının hava hücumundan müdafiə bölmələri Rusiyanın əməliyyat-taktiki səviyyəli 10 PUA-nı vurub, Ukrayna Hərbi Hava Qüvvələrinin zenit-raket bölmələri rəqibin bir PUA və 4 qanadlı raketini məhv edib.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics