Dünya

“Putinin imicini qorumaq üçün suverenliyimizdən güzəştə getməyəcəyik”

13 May 2022 22:55
3 Şərh     Baxış: 1 102

"Rusiya Prezidenti Vladimir Putinin imicini qorumaq üçün bəzi liderlərin təklif etdiyi kimi, suverenliyimizdən güzəştə getməyəcəyik".

Milli.Az "qafqazinfo"-ya istinadən xəbər verir ki, bunu Ukrayna Prezidenti Volodimir Zelenski İtaliyanın "Rai 1" telekanalına müsahibəsində Fransa Prezidenti Emmanuel Makronun müharibədən sonra hər iki tərəfin alçaldılmaması və Rusiya üçün çıxış yolu tapılması ilə bağlı açıqlamalarını dəyərləndirərkən deyib.

Zelenski bildirib ki, Rusiya üçün çıxış yolu axtarmağa ehtiyac yoxdur:

"Cənab Makron bunu boş yerə edir. Rusiya bunu istəmədikcə və buna ehtiyacı olduğunu anlamadıqca, müharibəni dayandırmaq üçün heç nə etməyəcək, heç bir çıxış yolu axtarmayacaq".

"Mən bilirəm ki, Fransa Prezidenti Emmanuel Makron vasitəçilikdə müəyyən nəticələr əldə etmək istəyirdi, amma bunu tapa bilmədi. Həm də bizim tərəfdən yox, Rusiyadan. Bəzi liderlərin Putinin "imicini" xilas etmək üçün suverenliyimizin güzəştə getməsi ilə bağlı mənə nəsə təklif etməsi düzgün deyil", - o bildirib.

Zelenski deyib ki, Roma Papası Fransiskin Ukrayna və Rusiya bayraqları ilə başlatdığı "barışıq" aksiyası onlar üçün qəbuledilməzdir:

"Rusiyanın bayrağı, bu, bizi öldürən və öldürməkdə davam edən bayraqdır. Hazırda Rusiya bayrağı bizim üçün yalnız bir məna daşıyır, o da ilhaq. Rusiyanın bizdən üzr istəməsi üçün üzrxahlığın həcmini hesablaya bilmirəm. Papa iki bayraqla hərəkətə keçməyi təklif edəndə bizim üçün çətin oldu".

Milli.Az

40 000 AZN-dək krediti ONLAYN sifariş et!

Şərh yaz:

3 Şərh:

  • Anonim
    Sewa · 14 May 00:4210

    Putin eger dogrudan imijini düzeltmek isteyirse bu müharibenin yanlış qerar oldugunu söyleyib, üzr istesin, Buca ve diger herbi cinayetlere göre emekdaşlıq etsin, dagıtdıgı iqtisadiyyatın, şeherlerin pulunu ödesin. Ve bütün bunları öz qardaşları ermeniyede (bize qarşı töretdiklerine göre) meslehet, tövsiyye, emr (neyse ne) etsin. Torpaqdan pay olmaz. Bu lend-liz rusiyanı qarışdırıb deyesen ara düzelden axtarışına kecib))

    Cavab yaz
  • Anonim
    asi · 14 May 07:4200

    Sanki Mehdiyevə söz atdı)..

    Cavab yaz
  • Anonim
    Alimardan · 14 May 10:5410

    Belə baxanda düz deyir. Əyər müharibə təzə başlayanda bu cür söhbət olsaydı razilaşardi, ondadaki Putin razı olmazdı. İndi isə bu gədər vəhşilikdən sonra, həmdə təşəbbüs onun tərəfində olan vaxtı, niyə razı olmalidir.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics