Dünya

BMT: Ukraynada ölən mülki şəxslərin sayı rəsmi rəqəmlərdən daha çoxdur

10 May 2022 18:30
0 Şərh     Baxış: 584

Ukraynada müharibə nəticəsində ölən mülki şəxslərin sayı rəsmi rəqəmlərdən daha çoxdur.

Milli.Az APA-ya istinadən bildirir ki, bu barədə BMT-nin İnsan haqları monitorinq missiyasının Ukraynadakı nümayəndəsi Matilda Boqner deyib.

"Biz təxmini rəqəmlər üzərində işləyirik, lakin hələlik onu deyə bilərəm ki, bu, hazırda sizə verdiyimiz rəqəmlərdən minlərlə çoxdur", - ölənlərin və yaralananların sayı ilə bağlı sualı cavablandıran Matilda Boqner bildirib.

O qeyd edib ki, ölümlərin əksəriyyətinə raket və hava zərbələri kimi geniş təsir sahəsinə malik partlayıcı silahlar səbəb olub: "Mariupol həqiqətən böyük qara dəlikdir, bura daxil olmaq və tam təsdiqlənmiş məlumat əldə etmək bizim üçün çətindir".

Onun sözlərinə görə, BMT komandası həmçinin Ukrayna qüvvələri tərəfindən Rusiya qüvvələrinə və ona bağlı silahlı qruplara qarşı işgəncə, pis rəftar və edamlara dair iddiaları da araşdırır: "Rusiya qüvvələrinə qarşı iddiaların miqyası əhəmiyyətli dərəcədə yüksək olsa da, biz həmçinin Ukrayna qüvvələrinin pozuntularını da sənədləşdiririk".

Qeyd edək ki, BMT-nin rəsmi məlumatına görə, Ukraynada ölənlərin sayı 3381, yaralıların sayı isə 3680 nəfərdir.

Milli.Az

40 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics