Dünya

“Tanrının əli” filmi dörd italyan “Oskar”ı qazanıb

4 May 2022 21:25

0 Şərh Baxış: 746

Paolo Sorrentinonun "Tanrının əli" filmi İtaliyanın dörd "David di Donatello" mükafatını qazanıb.

Milli.Az AZƏRTAC-a istinadən bildirir ki, mükafatlar ən yaxşı film, rejissor və operator işi üzrə təqdim edilib, həmçinin Tereza Saponanjelo "Ən yaxşı ikinci plan aktrisası" nominasiyasında qalib olub.

Filmdə ötən əsrin 80-ci illərində argentinalı əfsanəvi futbolçu Dieqo Maradona İtaliyanın Neapol şəhərinə gəldikdən sonra həyatı kəskin şəkildə dəyişən gəncdən bəhs edilir.

"Tanrının əli" Venesiya film festivalında Qran-pri mükafatına layiq görülərək, "Oskar"a namizəd olub.

Rejissorun 2013-cü ildə çəkdiyi "Möhtəşəm gözəllik" filmi "Oskar", "Qızıl qlobus" və "Bafta" mükafatlarını qazanıb. O, "Gənc Papa" və "Yeni Papa" serialları ilə yanaşı, "Gənclik", "Loro" və bir çox başqa filmlərin də müəllifidir.

Qeyd edək ki, 1956-cı ildən "İtaliya Kinematoqrafiya Akademiyası" tərəfindən verilən "David di Donatello" mükafatı italyan "Oskar"ı adlanır.

Milli.Az