Dünya

Avropalılar radiasiya əleyhinə kütləvi şəkildə dərmanlar almağa başlayıblar

4 Mart 2022 22:55

0 Şərh Baxış: 1 884

Şərqi Avropa ölkələri Çernobıl AES-in Rusiya hərbçiləri tərəfindən ələ keçirilməsi, eləcə də Avropanın ən böyük atom elektrik stansiyası olan Zaporojye AES-in atəşə tutulması ilə bağlı xəbərlərdən sonra kütləvi şəkildə apteklərdən kalium yodidi və tərkibində yüksək yod olan digər dərmanlar almağa başlayıblar.

Milli.Az "qafqazinfo"-ya istinadən xəbər verir ki, ötən həftə Çexiya, Bolqarıstan və Polşa sakinləri radiasiya ilə çirklənmə zamanı şüa xəstəliyinin qarşısını almaq üçün apteklərdən kalium yodid tabletləri alıblar.

Radioaktiv izotop yod-131 nüvə yanacağının ən təhlükəli parçalanma məhsullarından biridir, çünki o, qalxanabənzər vəzdə yığılmağa meyllidir. Bunun baş verməməsi üçün, radiasiya sızması halında, təsirlənmiş ərazidəki insanlara adi yodun (sabit izotop yod-127) yüksək dozasını qəbul etmək tövsiyə olunur.

Milli.Az