Dünya

Böyük Britaniyada koronavirusun omikron ştammının yeni alt növü aşkarlanıb

21 Yanvar 2022 23:10
0 Şərh     Baxış: 451
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Böyük Britaniyanın tibb orqanları ölkədə ilkin təhlillərə görə daha da sürətlə yayılan BA.2 - koronavirusunun omikron ştammının yeni alt növünü müəyyən ediblər.

Milli.Az Trend-ə istinadən bildirir ki, bu barədə məlumatı Birləşmiş Krallıq Səhiyyə Təhlükəsizliyi Agentliyi (UKHSA) verib.

İndiyədək ölkədə yeni ştamla 426 yoluxma halı qeydə alınıb, onlardan 146-sı Londonda, daha 97-si isə Cənub-Şərqi İngiltərə bölgəsindədir. Qeyd olunur ki, BA.2 növünə ilk yoluxma 2021-ci il dekabrın 6-da Böyük Britaniyada qeydə alınıb.

Məlumata görə, ümumilikdə bu ştamm 40 ölkədə müşahidə olunub və dünyada ona yoluxma hallarının ümumi sayı 8 mini ötüb, bununla belə virusun mənşəyini və ilk yoluxma yerini müəyyənləşdirmək hələlik mümkün deyil.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.