Dünya

Kiyev-Moskva qarşıdurması sərtləşdi: kiberqoşun yaradılır

14 Yanvar 2022 11:26
0 Şərh     Baxış: 1 476
VTB-də minimal faiz dərəcəsi ilə nağd kredit 9.9%-dən
#RUSİYA #UKRAYNA

Ukrayna ilə Rusiya arasındakı həddən ziyadə gərgin münasibətlər ağırlaşmağa davam edir.

Qarşıdurma virtual məkanda da intensivləşib.

Milli.Az Ukrayna mediasına istinadən bildirir ki, ölkənin dövlət qurumlarının veb-resursları kütləvi və genişmiqyaslı kiberhücuma məruz qalıb.

"Sındırılan" resurslar arasında Ukrayna Müdafiə və Xarici İşlər nazirliklərinin rəsmi saytları da var.

Həmin saytların ilk səhifələrində belə yazı peyda olub: "Ukraynalı, qorx və daha pis vəziyyətə hazırlaş. Bütün fərdi, konfidensial məlumatlarınız şəbəkədə yayılacaq".

Ukraynanın Dövlət Xüsusi Rabitə və İnformasiyanın Mühafizəsi Xidməti isə bəyan edib ki, dövlət başçısının və Ukrayna Təhlükəsizlik Xidmətinin rəsmi veb-resurslarına kiberhücumların qarşısı alınıb.

Bu resurslara əvvələr də genişmiqyaslı DDos-hücumlar edilmişdi.

Ümumiyyətlə isə, ötən il Ukraynanı dövlət informasiya resurslarına 2,2 milyondan artıq kiberhücum qeydə alınıb ki, onların təqribən 400-ü DDos-hücumlar olub.

Rəsmi Kiyev bəyan edib ki, kiberhücumların qarşısını almaq üçün ölkədə kiberqoşun yaradılacaq.

Rusiyanın rəsmi strukturları isə Ukraynadakı resurslarla hücumlarla bağlı Moskvanın ünvanına səslənən ittihamları uydurma və fantaziya məhsulu adlandırıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.