Dünya

“Çölə çıxın, şərəfsizlər” deyib, gənc qadını öldürdü – Dəhşətli hadisənin görüntüləri ortaya çıxdı - FOTO

5 Dekabr 2021 16:07
0 Şərh     Baxış: 1 287
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Türkiyədə iki uşaq anası 28 yaşlı Xədicə adlı qadın işlədiyi şirniyyat mağazasında həyat yoldaşının yanında ov tüfəngi ilə öldürülüb.

Milli.Az musavat.com-a istinadən xəbər verir ki, hadisə Türkiyənin Burdur əyalətində baş verib.

Qadını öldürən Ramazan Topay məhkəmədə, "Qorxsun deyə atəş açdım. Həmin həyəcanla güllə Xədicəyə dəydi. Məqsədim öldürmək deyildi", - deyə açıqlama verib.

Digər tərəfdən, Topayın qadını öldürdüyü anların görüntüsü ortaya çıxıb.

Qəsdən adam öldürmə maddəsi ilə ömürlük həbs cəzası ilə mühakimə olunan Ramazan Topay, Xədicə ilə bir müddət dostluq münasibəti olduğunu iddia edib: "Hadisə baş verən günü tanımadığım bir nömrədən mənə zəng etdilər. Dəmir ustası olduğum üçün bununla bağlı iş tapşıracaqlarını dedilər. Çağırdıqları yerə getdiyim zaman Xədicənin qohumları olduqlarını bildirdilər və məni hədələdilər. Mənim və ailəmin bu işdə zərər görəcəyini dedilər. Xədicəyə zəng etdim, WhatsApp-da "məqsədin nədir, niyə məni təhdid edirsən, sənə maddi və mənəvi kömək etdim", deyə mesaj yazdım. O da məni təhqir etdi. Maşınımda olan silah ilə onun iş yerinə getdim, "çölə çıxın",- deyə qışqırıb, Xədicə ilə danışacağımı bildirdim. Həmin anda qorxsun deyə atəş açdım. Təsadüfən güllə Xədicəyə dəydi".

Xədicənin həyat yoldaşı Mehmet Işık isə məhkəmədə bunları deyib: "Həyat yoldaşımın təqsirləndirilən şəxslə dostluğundan xəbərim olmayıb. Təsadüfən mağazada idim. Təqsirləndirilən şəxs gəlib qapını açdı. Əvvəlcə həyat yoldaşım gördü. Sonra isə "çölə çıxın, şərəfsizlər, hamınızı öldürəcəyəm",- deyərək 3 dəfə atəş açdı. Yoldaşımı vurduqdan sonra məni də vuracaqdı. O sırada silahı əlindən aldım. O isə hadisə yerindən qaçdı".

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.