Dünya

Gürcüstanın hakim partiyasının azərbaycanlı üzvü döyülüb

30 Noyabr 2021 21:44
1 Şərh     Baxış: 915

Gürcüstanın hakim Gürcü Arzusu Partiyasının üzvü Tsalka bələdiyyəsində müxalif Vahid Milli Hərəkat Partiyasının (VMHP) tərəfdarının fiziki zorakılığına məruz qalıb.

Milli.Az "Report"a istinadən bildirir ki, bu barədə hakim partiyanın yaydığı məlumatda bildirilib.

Məlumata əsasən, qarşıdurma siyasi motivlər əsasında noyabrın 29-da rayonun Ərcivan-Sarvan kəndində baş verib. İnsident zamanı həmin kənddə yaşayan VMHP tərəfdarı Vasif İbrahimov "Gürcü Arzusu"nun üzvü və Tsalka merinin Tecis kəndi üzrə nümayəndəsi Nüsrət Heydərovu təhqir edib, daha sonra fiziki təzyiq göstərib.

Qeyd olunub ki, qarşıdurma zamanı V.İbrahimov N.Heydərovla "Gürcü Arzusu"ndakı fəaliyyətinə görə mübahisə edib. Mübahisə daha sonra davaya keçib. V.İbrahimov N.Heydərovun üzünə yumruqla vurub, nəticədə onun burun və göz nahiyəsində xəsarətlər əmələ gəlib.

Hakim partiya hadisənin şahidlərinin olduğunu bildirib.

Milli.Az

35 000 AZN-dək krediti ONLAYN sifariş et!

 

Şərh yaz:

1 Şərh:

  • Anonim
    Azər · 30 Noyabr 2021 22:2701

    Allah ağıl versin.İki türk oğlu bir-birinə arxa olmaq əvəzinə yumuruq davasına çıxıblar.Belə "təsübkeşliyə"nə ad verəsən?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.