Türkiyə

İsrail-İran münaqişəsi fonunda Ərdoğandan XƏBƏRDARLIQ

28 Fevral 2026 22:54

Baxış: 872

VTB-də minimal faiz dərəcəsi ilə nağd kredit 10.49%-dən

#RƏCƏB TAYYİB ƏRDOĞAN

Türkiyə Prezidenti Rəcəb Tayyib Ərdoğan ABŞ, İsrail və İran arasında başlayan irimiqyaslı qarşıdurmaya münasibət bildirib. O, bölgənin yeni bir "münaqişə burulğanına" sürüklənməsindən dərin narahatlığını ifadə edib.

Milli.Az xəbər verir ki, Ərdoğan İsrail Baş naziri Benyamin Netanyahunu prosesi zəhərləməkdə ittiham edib. O, İranın suverenliyini pozan ABŞ-İsrail hücumlarını "təəssüf hissi" ilə qarşıladığını və dərin narahatlıq duyduğunu bildirib.

Prezident eyni zamanda İranın Körfəz ölkələrinə (BƏƏ, Bəhreyn, Küveyt və s.) qarşı həyata keçirdiyi raket və dron hücumlarını da kəskin pisləyib: "Hər nə səbəblə olursa-olsun, bu hücumlar qəbulolunmazdır".

Türkiyə lideri bölgədə sülhün yalnız dialoq və diplomatiya ilə bərpa oluna biləcəyinə inandığını, Türkiyənin bu istiqamətdə əlindən gələni edəcəyini vurğulayıb.

Ərdoğan Qızıl Aypara, TİKA və Diyanet Vəqfinin məzlum xalqlara yardım çatdırmaq üçün səfərbər olduğunu qeyd edib.

Lalə Qüdrətova
Milli.Az