Türkiyə

Yeni evlənənlərə maliyyə yardımı veriləcək?

20 Yanvar 2026 19:58
Baxış: 1 151
VTB-də minimal faiz dərəcəsi ilə nağd kredit 9.9%-dən
#TÜRKİYƏ

Türkiyədə yeni evlənən gənclər üçün maddi dəstək mexanizmi tətbiq olunacağı açıqlanıb. Belə ki, 18-35 yaş aralığında olan, gəliri minimum əməkhaqqından artıq olmayan gənclərə evlilik məqsədilə 500 min lirə (təxminən 19 min AZN) məbləğində maliyyə yardımı göstəriləcək.

Milli.Az xəbər verir ki, bununla bağlı Medialoq.az-a açıqlamasında iqtisadçı Eyyub Kərimli bildirib ki,  Türkiyədəki kimi sosial dəstək mexanizmləri nəzəri baxımdan Azərbaycanda da tətbiq oluna bilər:

"Bu tip yardım gənclərin evlənməsini stimullaşdırmaq, ailə institutunu gücləndirmək və sosial yükü azaltmaq məqsədi daşıyır. Lakin hazırda belə bir proqramın Azərbaycanda tətbiqi real görünmür. Bunun əsas səbəbi büdcə resurslarının hələ digər sosial öhdəliklər və infrastruktur layihələrinə yönəldilməsidir. Azərbaycanda gənclərə dəstək daha çox ünvanlı sosial yardımlar, ipoteka və məşğulluq proqramları vasitəsilə verilir. Birbaşa evlilik üçün maliyyə yardımı isə hələ gündəmdə deyil. Gələcəkdə sosial və demoqrafik vəziyyət dəyişərsə, bu tip mexanizmlərin mərhələli tətbiqi mümkün ola bilər". 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.