Türkiyə

Bu oğlan 3 ildir evdən çıxmır: "Əlimdə olsa tualetə də getmərəm" - FOTO

15 Oktyabr 2025 12:50

Baxış: 2 267

VTB-də minimal faiz dərəcəsi ilə nağd kredit 9.9%-dən

#MARAQLI #TÜRKİYƏ

Hatayda 2023-cü ildə baş verən zəlzələdə evini və yaxınlarını itirən 23 yaşlı Barış Özbayın həyatı öz deyimi ilə həmin gün "bitib". O, nə evindən çıxır, nə duş qəbul edir, nə də insanlarla ünsiyyət qurur. Gənc bütün günlərini telefon və kompüter qarşısında keçirir.

Milli.Az xəbər verir ki, zəlzələ zamanı həm evini, həm də yaxınlarını itirən Barışın anası Semra Özbay deyir ki, oğlu üç ildir evdən bayıra çıxmayıb və tamamilə virtual aləmə qapılıb.

"Oğlum əvvəllər çox zəhmətkeş idi, universitetdə oxuyurdu, dostları ilə yaxşı münasibətləri vardı. Amma zəlzələdən sonra hər şey dəyişdi. İndi nə çimmək istəyir, nə danışmaq. Yalnız kompüterin qarşısında oturur və 'yaşamaq istəmirəm' deyir," - deyə ana göz yaşları içində danışır.

Barış özü isə həyatla əlaqəsini itirdiyini etiraf edir:

"Artıq heç nə etmək istəmirəm. Sadəcə yemək yeyirəm, tualetə gedirəm və yenidən otururam. Əlimdə olsa bunları da etməzdim. Heç bir arzum yoxdur. Həyat mənim üçün bitib," - deyə o bildirib.

Ana Semra Özbay isə ümidini hələ də itirməyib. O, oğlunun yenidən həyata qayıtması üçün hər gün dua edir.

Milli.Az