Türkiyə

Hakan Fidan: “Bu fürsəti dəyərləndirməliyik”

16 May 2025 16:05
Baxış: 673
VTB-də minimal faiz dərəcəsi ilə nağd kredit 9.9%-dən

Türkiyənin xarici işlər naziri Hakan Fidan bildirib ki, Rusiya və Ukrayna arasında sülhə nail olmaq üçün mövcud imkanlar düzgün istifadə edilməlidir:

"Sülh yolunda irəliləmək üçün bu fürsəti dəyərləndirməliyik. Hər gecikən gün daha çox insan itkisinə səbəb olur."

Fidan bu fikirləri Prezident Administrasiyasının Dolmabağça ofisində Türkiyənin ev sahibliyi ilə keçirilən Rusiya-Ukrayna sülh danışıqları çərçivəsində baş tutan Türkiyə-Rusiya-Ukrayna üçtərəfli görüşünün açılışında səsləndirib.

Nazir qeyd edib ki, tərəflərin göstərdiyi güclü siyasi iradə yeni bir imkan pəncərəsi yaradıb. Onun sözlərinə görə, həm Rusiya Prezidenti Vladimir Putin, həm də Ukrayna Prezidenti Volodimir Zelenskiy Türkiyə Prezidenti Rəcəb Tayyib Ərdoğan və ABŞ Prezidenti Donald Trampın sülh çağırışlarına müsbət reaksiya veriblər.

Fidan əlavə edib ki, Rusiya və Ukraynanın birbaşa danışıqlara hazır olması bu mərhələyə gəlinməsini mümkün edib:

"Hazırda iki yol var: biri sülhə aparacaq prosesə başlaya bilər, digəri isə daha çox dağıntı və insan tələfatına gətirib çıxaracaq. Hansı yolu seçmək tərəflərin öz qərarı olacaq," - deyə nazir vurğulayıb.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.