Türkiyə

Evdar qadınlara pensiya veriləcək? - Türkiyədən maraqlı addım

22 Aprel 2025 14:07

Baxış: 1 304

VTB-də minimal faiz dərəcəsi ilə nağd kredit 9.9%-dən

#MARAQLI #TÜRKİYƏ

Türkiyədə evdar qadınlara sosial təminat və pensiya hüququ verilməsi ilə bağlı yeni təşəbbüs irəli sürülüb. "Ailənin Müdafiəsi Proqramı" çərçivəsində təqdim olunan paketə əsasən, evdə çalışan qadınlar hər ay sığorta haqlarını ödəməklə pensiya hüququ qazana biləcəklər.

Milli.Az xəbər verir ki, Star Newsun məlumatına görə, bu proqramla istər sığortalı olsun, istərsə də olmasın, 18 yaşından yuxarı Türkiyə vətəndaşı olan bütün qadınlar faydalana biləcəklər.

Proqramın əsas detallarından biri dövlətin göstərdiyi maddi dəstəkdir. Belə ki, 15 il ərzində ödəniləcək sığorta haqlarının üçdə biri dövlət tərəfindən qarşılanacaq. Bu məbləğin hazırkı minimum əmək haqqı əsasında 500 min lirəyə qədər çatacağı gözlənilir.

Evdar qadınlar Bağ-Kur sistemi çərçivəsində bu imkanlardan istifadə edə biləcəklər. Ödənişlər fərdi mülkiyyətçi statusunda onlayn şəkildə həyata keçiriləcək.

Bu təşəbbüsün qadınların iqtisadi güclənməsinə, sosial təminata çıxışına və gələcəkdə pensiya ilə təmin olunmalarına mühüm töhfə verəcəyi gözlənilir.

Fidan
Milli.Az