Türkiyə

Türkiyə ilə Suriya arasındakı böhran həll olundu

24 Yanvar 2025 16:38
Baxış: 3 785
VTB-də minimal faiz dərəcəsi ilə nağd kredit 9.9%-dən
#MARAQLI #TÜRKİYƏ #SURİYA #YAXIN ŞƏRQ

Suriyada yeni hökumətin Türkiyədən idxal olunan məhsullara vergiləri 300-500 faiz artırması ilə bağlı yaranan böhran həllini tapıb.

Milli.Az xəbər verir ki, Türkiyə Ticarət Nazirliyinin Suriyalı rəsmilərlə apardığı danışıqlar nəticəsində iki ölkə arasında ticarət əlaqələrinin tənzimlənməsi üçün 5 maddəlik yol xəritəsi müəyyən edilib.

5 Maddəlik Yeni Yol Xəritəsi:

Gömrük rüsumlarına yenidən baxılması - 11 yanvar 2025-ci ildən tətbiq edilən yüksək vergilər müəyyən məhsullar üçün yenidən qiymətləndiriləcək.

Azad Ticarət Müqaviləsi - 2011-ci ildə dayandırılmış Türkiyə-Suriya Azad Ticarət Müqaviləsinin yenidən həyata keçirilməsi üçün danışıqlara başlanacaq.

İqtisadi və ticarət əməkdaşlığı - Sənaye, kənd təsərrüfatı məhsulları, tranzit daşımaları və müqavilələr kimi sahələrdə yeni əməkdaşlıqlar qurulacaq.

Türk şirkətlərinin Suriyada iştirakı - Türk şirkətlərinin Suriyanın bütün ərazilərində fəaliyyət göstərməsi üçün rəsmi koordinasiya qurulacaq.

Sərhəd keçid məntəqələrində əməkdaşlıq - Gömrük proseslərinin sürətləndirilməsi üçün sərhəd məntəqələrində koordinasiya gücləndiriləcək.

Bu razılaşma sayəsində Türkiyə məhsulları Suriyanın yalnız şimal bölgələrinə deyil, digər bölgələrinə də çatdırılacaq. İki ölkə arasında iqtisadi münasibətlərin yeni mərhələyə keçəcəyi bildirilir.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.