Türkiyə

Bağçalının Suriya qalasına asılmış türk bayrağı ilə bağlı çıxışı müzakirə yaratdı

3 Dekabr 2024 19:52

Baxış: 1 028

#TÜRKİYƏ #SURİYA #YAXIN ŞƏRQ #BAYRAQ

MHP Başqanı Dövlət Bağçalı partiyasının qrup toplantısında gündəmdəki mövzularla bağlı açıqlamalar verib.

Milli.Az Türkiyə mediasına istinadən xəbər verir ki, Suriyada baş verənlərlə bağlı olaraq, "Əsədin Türkiyə ilə əvvəlcədən şərt qoymadan təmas və dialoq qurması, normallaşma niyyətini göstərməsi, əvvəlcə öz xeyrinə, sonra isə ölkəsinin maraqlarına xidmət edər" deyən Bağçalı Hələb Qalasında Türk bayrağının dalğalanması ilə bağlı diqqət çəkən çıxış edib.

"HƏLƏB TÜRK VƏ MÜSƏLMANDIR"

"Müxaliflərin Hələb qalasını ələ keçirməsindən sonra 76 ildən bəri ilk dəfə orada Türk bayrağı dalğalanmağa başlayıb. Türk bayrağı sonuncu dəfə 1948-ci ildə Hələb qalasında asılmşdı. Bu həqiqəti millət qarşısında ucadan hayqırmaq və siyasət namusumuzun dəyişməz və şübhəsiz bir tələbidir. Hələb deyəndə ürəyi titrəməyən bir vətən övladı tapa bilməzsiniz. Çünki Hələb iliyi-kökünə qədər Türk və Müslümandır. Bunu sadəcə biz demirik, tarix deyir, coğrafiya deyir, həqiqət deyir, əcdad deyir, Hələb qalasına çəkilən Türk bayrağı deyir".

"ƏSƏD HAKİMİYYƏTİ AĞLINI BAŞINA ALMALIDIR"

Suriyadakı gərgin müharibə şəraitinə də toxunan Bağçalı "Biz Suriyanın sarsılmış dövlət quruluşuna ümid bağlaya bilmərik. Əsəd rejimi ağlını başına almalıdır. Düşməni dost sayan yanaşmanı geridə qoymalıdırlar. YPG məhv olana qədər ərazini boşalda bilmərik. Türkiyə ilə Suriya arasında diplomatiya və dialoq prosesləri üçüncü tərəflərin heç bir dağıdıcı təsiri olmadan həyata keçirilməlidir. Başqa çarə və çıxış yolu qalmayıb" deyə, siyasətçi vurğulayıb.

Hüseyn
Milli.Az