Türkiyə

Türkiyədə çevriliş cəhdi: araşdırma gedir - Nə baş verib?

15 May 2024 12:06
Baxış: 1 421
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ankara Baş Prokurorluğu hökumətə qarşı mümkün çevrilişi araşdırır.

Milli.Az axar.az-a istinadən bildirir ki, bu barədə "Hürriyyət" qəzeti məlumat yayıb.

"İstintaq Cinayət Məcəlləsinin "Türkiyə Respublikası hökumətinə qarşı üsyan" maddəsi ilə aparılır. Bu da dövlətin təhlükəsizliyinə və konstitusiya quruluşuna qarşı cinayət törətmək üçün qanunsuz bir təşkilatın yaradılmasından, habelə "sirrin açıqlanması", "məhkəmə məmuruna, ekspertinə və ya şahidinə təsir göstərmək cəhdi" və digər maddələrdən bəhs edir", - məlumatda deyilir.

Qeyd olunur ki, Prezident Rəcəb Tayyib Ərdoğan gecə saatlarında kəşfiyyat və Ədliyyə Nazirliyinin rəhbərləri ilə təcili toplantı keçirib. Buna səbəb Milliyyətçi Hərəkat Partiyasının lideri Dövlət Baxçalının dövlət çevrilişi cəhdi ilə bağlı etdiyi xəbərdarlıq olub. Prezidentin bu gün günortadan sonra hakim partiyanın parlamentdəki iclasında məsələ ilə bağlı çıxış edəcəyi gözlənilir.

Xatırladaq ki, Türkiyədə Ankara Təhlükəsizlik Müdirliyinin bir neçə əməkdaşının işdən çıxarılması böyük səs-küyə səbəb olub. Onlar "Ayxan Bora Kaplan" cinayət təşkilatı ilə əlaqədə olmaqda ittiham edilib, evlərində axtarış aparılıb.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.