İdman

Dünya Yaş Qrupları Yarışlarında tamblinq üzrə finalçılar məlum olub

25 Noyabr 2021 15:58

Baxış: 649

VTB-də minimal faiz dərəcəsi ilə nağd kredit 9.9%-dən

#GİMNASTİKA

Bakıda Batut Gimnastikası üzrə 28-ci Dünya Yaş Qrupları Yarışlarında 15-16 yaş qrupunda qadınlar arasında finalçılar məlum olub.

Milli.Az Trend-ə istinadən xəbər verir ki, finala Naana Oppon (Böyük Britaniya, 66.800 xal), Arina Kalyandar (Rusiya, 66.700 xal), Anastasiya Kaçalova (ABŞ, 65.100 xal), Sara Neyrink (Belçika, 65.000 xal), Yanna Çomilir (Fransa, 64.000 xal), Rozal Tonqphey (ABŞ, 63.400 xak), Cil Papenhaus (ABŞ, 63.000 xal) və Komfort Yets (Böyük Britaniya, 63.000 xal) vəsiqə qazanıb.

Qeyd edək ki, 25-28 noyabr tarixlərində keçiriləcək 28-ci Dünya Yaş Qrupları Yarışları 32 ölkədən 650 idmançı iştirak edəcək.

Gimnastlar həm batut, həm tamblinq, həm də ikili mini-batut üzrə yarışlarda 11-12, 13-14, 15-16 və 17-21 yaş kateqoriyasında yarışacaqlar.

Yarışda gimnastlar batut üzərində fərdi və sinxron tullanışlar, tamblinq və ikili mini-batut üzrə proqramlarda çıxış edəcəklər.

Yarışlarda Azərbaycanı 15 gimnast təmsil edəcək. Batut gimnastikasında Selcan Maqsudova, Maqsud Maqsudov, Ammar Baxşəliyev, İbrahim Mustafazadə, Mehdi Əliyev, Nicat Mirzyəyev, Əli Niftəliyev, Şəfiqə Hümbətova, Səma Cəfərova, tamblinq yarışlarında Tofiq Əliyev, Adil Hacızadə, Bilal Qurbanov, Hüseyn Əsədullayev, Aleksey Karataşov və Elnur Məmmədov iştirak edirlər.

Milli.Az