İdman

Boatenq: "Qardaşımdan uzaq dururam"

12 Sentyabr 2021 16:46
0 Şərh     Baxış: 840

"Herta"nın futbolçusu Kevin-Prins Boatenq qardaşı Jerom Boatenqin həyat yoldaşına şiddət göstərdiyi üçün 1,8 milyon avro təzminat ödəməsinə münasibət bildirib.

Milli.Az qol.az-a istinadən xəbər verir ki, 34 yaşlı yarımmüdafiəçi Jeromdan uzaq durduğunu və onunla problemlərinin olduğunu bildirib:

"Həyatım boyu qardaşımdan uzaq gəzmişəm. Onunla anlaşmırdıq. Qadına şiddət? Buna nifrət edirəm! Onlar sevilməyə layiqdirlər, xanımlara sevgimizlə yaxınlaşmalıyıq, şiddətlə deyil. Almaniyada qaydalara hörmət edirəm və bunlara əməl edirəm. Bundan sonra da qardaşımla münasibətim dəyişməyəcəm və onunla maraqlanmayacağam".

Qeyd edək ki, Jerom Boatenq həyat yoldaşına qarşı məişət zorakılığında ittiham olunub və 1,8 milyon avro təzminat cəzası alıb. Qadını döydüyü iddia olunan Boatenq 5 il müddətinə həbs oluna bilər. 2014-cü ildə Almaniya ilə dünya çempionu olmuş futbolçu uşaqlarının anasına qarşı zorakılıq etmədiyini bildirsə də, Münhen məhkəməsi buna inamayıb və araşdırmalar davam edir. Futbolçunun xanımı Kasia Lenhardt ötən il evində ölü tapılmışdı.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.