İdman

Çempionlar Liqasında sensasiya

18 Avqust 2021 07:19

1 Şərh Baxış: 2 726

VTB-də minimal faiz dərəcəsi ilə nağd kredit 10.49%-dən

Futbol üzrə UEFA Çempionlar Liqasında pley-off mərhələsinə start verilib.

Milli.Az matc.az-a istinadən bildirir ki, ilk oyun günündə üç qarşılaşma keçirilib.

Fransanın "Monako" komandası doğma meydanda Donetsk "Şaxtyor"unu qəbul edib və minimal hesabla uduzub.

3-cü mərhələdə Serbiyanın "Srvena Zvezda" komandasını mübarizədən kənarlaşdıraraq, sürprizə imza atan "Şerif" (Moldova) bu mərhələdə Zaqreb "Dinamo"su ilə üz-üzə gəlib. Tiraspol təmsilçisi bu oyunda sensasiyalı şəkildə darmadağına imza atmaqla diqqət mərkəzinə düşüb.

Avstriyanın "Zalsburq" komandasının rəqibi isə Danimarka "Brondbü"sü olub. Üç qolun qeydə alındığı matç meydan sahiblərinin qələbəsiylə yekunlaşıb.

Pley-off mərhələsinin digər oyunları sabah keçiriləcək.

UEFA Çempionlar Liqası
Pley-offun ilk oyunları
17 avqust

Monako (Fransa) - Şaxtyor (Donetsk, Ukrayna) 0:1

Şerif (Moldova) - Dinamo (Zaqreb, Xorvatiya) 3:0

Zalsburq (Avstriya) - Brondbü (Danimarka) 2:1

18 avqust

23:00. Benfika (Portuqaliya) - PSV (Niderland)
23:00. Malmö (İsveç) - Ludoqorets (Bolqarıstan)
23:00. Yanq Boyz (İsveçrə) - Ferentsvaroş (Macarıstan)

Milli.Az