İdman

Azərbaycan Tokio-2020-ni 3 gümüş və 4 bürünc medalla başa vurdu

7 Avqust 2021 20:59

1 Şərh Baxış: 1 819

VTB-də minimal faiz dərəcəsi ilə nağd kredit 9.9%-dən

#OLİMPİADA

Azərbaycanın milli Olimpiya komandasının "Tokio-2020" XXXII Yay Olimpiya Oyunlarında mübarizəsi başa çatıb.

Tokio Olimpiadasına 44 idmançı ilə qatılan komandamız dördilliyin zirvə yarışını 3 gümüş və 4 bürünc medalla başa vurub. Gümüş medalların 2-si karate, 1-i güləş, bürünc mükafatlardan isə 2-si güləş, 1-i cüdo, 1-i boks yarışlarında qazanılıb.

Karateçilərimizdən Rafael Ağayev (kumite, 75) və İrina Zaretska (kumite, +61 kq) təkcə finalda uduzaraq gümüş medallara sahib olublar.

Digər gümüş medalın sahibi sərbəst güləşçi Hacı Əliyev final qarşılaşmasında rəqibin son saniyələrdə qazandığı xal sayəsində uduzub. Yunan Roma-güləşçilərimizdən Rafiq Hüseynov (77 kq) və qadın güləşçimiz Mariya Stadnik (50 kq) Olimpiadanı bürünc medallarla başa vurublar.

Ölkəmizin aktivinə digər bürünc medalları cüdoçu İrina Kindzerska (+78 kq) və boksçu Alfonso Domingez (81 kq) yazdırıblar.

Tokio-2020-ni 7 medalla başa vuran (3 gümüş, 4 bürünc) Azərbaycan 67-ci pillədə yer alır.

yer	ölkə	qızıl	gümüş	bürünc	cəmi
1	Çin	38	31	18	87
2	ABŞ	36	39	33	108
3	Yaponiya	27	12	17	56
4	Rusiya OK	20	26	23	69
5	Böyük Britaniya	20	21	22	63
6	Avstraliya	17	7	22	46
7	Almaniya	10	11	16	37
8	Niderland	10	11	12	33
9	İtaliya	10	10	19	39
10	Fransa	9	12	11	32