İdman

Məmmədyarov Nakamuraya qarşı

29 Aprel 2021 13:54

Baxış: 826

VTB-də minimal faiz dərəcəsi ilə nağd kredit 10.49%-dən

#ŞAHMAT

Norveçli dünya çempionu Maqnus Karlsenin təşkil etdiyi Çempionlar Turunun "New In Chess" adlı V mərhələsində bu gün ilk yarımfinal görüşləri keçiriləcək.

Milli.Az qafqazinfo-ya istinadən xəbər verir ki, turnirdə mübarizəni davam etdirən Azərbaycan şahmatçısı Şəhriyar Məmmədyarov bu mərhələdə ABŞ təmsilçisi Hikaru Nakamura ilə qarşılaşacaq. Qrossmeysterimiz 1/4 final mərhələsində Alireza Firuzcanı (FIDE), Nakamura isə Le Kuanq Lyemi (Vyetnam) mübarizədən kənarlaşdırıb. Yarımfinal görüşləri iki gün davam edəcək.

Qeyd edək ki, Azərbaycanın digər təmsilçisi Teymur Rəcəbov 1/4 finalda Maqnus Karlsenə uduzaraq turnirdə vidalaşıb.

Yarımfinal cütləri

Şəhriyar Məmmədyarov (Azərbaycan) - Hikaru Nakamura (ABŞ)

Maqnus Karlsen (Norveç) - Levon Aronyan (Ermənistan)

Milli.Az