İdman

DÇ-2022-nin seçmə mərhələ oyunları təxirə salındı

7 Mart 2021 12:44
Baxış: 1 121
VTB-də minimal faiz dərəcəsi ilə nağd kredit 9.9%-dən

Cənubi Amerika Futbol Konfederasiyası (CONMEBOL) 2022-ci ildə Qətərdə keçiriləcək dünya çempionatının seçmə mərhələsinin mart ayına nəzərdə tutulan oyunlarını təxirə salıb.

Milli.Az "Qafqazinfo"ya istinadən xəbər verir ki, bu barədə qurumun mətbuat xidməti məlumat yayıb.

Xəbərdə bildirilib ki, mart ayında keçirilməli olan oyunlarda iştirak edəcək Cənubi Amerika futbolçularını koronavirus səbəbindən vaxtında toplamaq mümkün olmayacaq. Bu üzdən də yerli federasiyaların da istəyi ilə qarşılaşmaların təxirə salınması qərara alınıb.

Təxirə salınmış qarşılaşmaların nə vaxt keçiriləcəyi hələ müəyyənləşməyib. Bununla bağlı qarşıdakı aylarda mövcud vəziyyətə uyğun qərar veriləcək.

Avropanın bir sıra aparıcı klubları koronavirus pandemiyası səbəbindən tətbiq edilən səyahət məhdudiyyətlərinə görə futbolçularını milli komandalara buraxmaq istəmir. Bu üzdən də milli komandalar heyətlə bağlı problemlərlə üzləşiblər.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.