İdman

Futbol üzrə Avropa çempionatının başlamasına 100 gün qalır

3 Mart 2021 12:19

Baxış: 669

VTB-də minimal faiz dərəcəsi ilə nağd kredit 9.9%-dən

Futbol üzrə Avropa çempionatının başlamasına 100 gün qalır.

Milli.Az Trend-ə istinadən bildirir ki, Avropanın 12 şəhərində, o cümlədən Bakıda keçiriləcək Avro-2020 iyunun 11-də start götürəcək.

Bakı Olimpiya Stadionu çempionatın 4 matçına ev sahibliyi edəcək. Bakıda qrup mərhələsinin A qrupunun 3 matçı və 1 dörddəbir finalı keçiriləcək.

Futbol həvəskarları Bakıda iyunun 12-də Uels-İsveçrə, iyunun 16-da Türkiyə-Uels və iyunun 20-də İsveçrə-Türkiyə matçlarını izləyəcək. İyulun 3-də dörddəbir final matçı keçiriləcək.

Qeyd edək ki, ötən il baş tutmalı olan Avropa çempionatın koronavirus pandemiyası ilə əlaqədar təxirə salınmışdı. Turnir iyunun 11-dən iyulun 11-dək Amsterdam, Bakı, Bilbao, Buxarest, Budapeşt, Dublin, Kopenhagen, Qlazqo, London, Münxen, Roma və Sankt-Peterburq şəhərlərində keçiriləcək.

Milli.Az