İdman

La Liqanın lideri David Silvanı itirdi

25 Noyabr 2020 21:40
Baxış: 867

İspaniyanın "Real Sosyedad" klubu ciddi itki ilə üzləşib.

Milli.Az matc.az-a istinadən bildirir ki, La Liqanın lideri aparıcı futbolçusu David Silvanı itirib.

Ötən mövsümün sonunda İngiltərə təmsilçisi "Mançester Siti"dən heyətə cəlb edilən ulduz futbolçu zədə səbəbindən komandasının qarşıdakı bir neçə matçını buraxacaq. Həkimlər 34 yaşlı yarımmüdafiəçinin arxa ayaq əzələsindən xəsarət aldığını açıqlayıb.
 
Silva ilə yanaşı, Con Quridi də sıradan çıxıb. Silva "Kadis"lə çempionat matçında sıradan çıxıbsa, Quridi son məşqlərin birində zədələnib. Hər iki oyunçu bir müddət məcburi istirahət edəcək. Amma onların dəqiq sıraya dönəcəyi tarix bilinmir.
 
Qeyd edək ki, La Liqanın ilk 10 oyununda 23 xal toplayan "Real Sosyedad" turnir cədvəlinin birinci pilləsində qərarlaşıb.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.