İdman

"Artıq qaçqın komandası deyilik"

22 Noyabr 2020 13:57
Baxış: 443

Artıq qaçqın komandası deyilik, bu statusu daşımırıq.

Milli.Az apasport.az-a istinadən bildirir ki, bunu "Qarabağ"ın baş məşqçisi Qurban Qurbanov deyib.

Türkiyənin İhlas Xəbər Agentliyinə açıqlama verən təcrübəli mütəxəssis Ağdamın işğaldan azad olunmasına münasibət bildirib. Qurbanov qaçqın komanda adının artıq "Qarabağ"ın üzərindən götürüldüyünü bildirib.

48 yaşlı çalışdırıcı bunun sevincini bütün komanda olaraq birlikdə yaşadıqlarını söyləyib: "Biz "Qarabağ" klubu olaraq Azərbaycanda o zonanı təmsil edirdik. Artıq rəsmən "Qarabağ" Ağdam olaraq vurğulanacaq. Futbolçularımızla birlikdə bu günü bayram etdik. Hər kəs çox sevinirdi, bir-birini təbrik edirdi. Bir anda kollektiv daxilində pozitiv mühit yarandı. Bu günü yaşadığımız üçün Allaha şükürlər olsun. Başda Ali Baş Komandanımız olmaqla, Ordumuz, əsgərlərimiz bu sevinci bizə yaşatdı. Xəyallarımızı gerçəkləşdirdilər. Özüm və komandam adından hər birinə təşəkkür edirəm".

Qeyd edək ki, Ağdam 1993-cü ildə Ermənistan silahlı qüvvələri tərəfindən işğal edildiyindən, həmin vaxtdan "Qarabağ" ev oyunlarını Bakıda keçirib.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.