İdman

“Hər kəsin tək düşüncəsi “Qarabağ”la oyunadır” - Zoran Steryovski

14 Avqust 2020 14:29

Baxış: 1 172

VTB-də minimal faiz dərəcəsi ilə nağd kredit 9.9%-dən

#FUTBOL

"Sileks" yaxşı komanda və möhkəm kollektivdir. Komandada ulduz olmasa da, keyfiyyətli futbol göstərirlər.

Milli.Az apasport.az-a istinadla bildirir ki, bunu "Pelister"in baş məşqçisi Zoran Steryovski Şimali Makedoniya çempionatının II turunda "Sileks"lə keçiriləcək oyunla bağlı danışarkən deyib.

Bu gün baş tutacaq qarşılaşma haqda fikir bildirən 45 yaşlı mütəxəssis rəqibin bütün diqqətinin Çempionlar Liqasının I təsnifat mərhələsində qarşılaşacağı "Qarabağ"da olduğunu düşünür. Steryovski bundan yararlanmağa çalışacaqlarını söyləyib: "Sileks" keçmiş komandamdır, onlar barədə çox şey deyə bilərəm. "Sileks"də indi hər kəsin tək düşüncəsi "Qarabağ"la oyunadır. Biz də bundan yararlanmalıyıq. Düzdür, "Qarabağ"la görüşü hələlik unutmaq istəyirlər. Ancaq Çempionlar Liqası ildə bir dəfə olur və bunu ikinci plana atmaq mümkün deyil. Bəlkə də, həmkarım bütün bunları nəzərə alıb, bəzi dəyişikliklər edəcək".

Qeyd edək ki, avqustun 18-də Tofiq Bəhramov adına Respublika Stadionunda keçiriləcək "Qarabağ" - "Sileks" oyunu 20:00-da start götürəcək.

Milli.Az