İdman

Futbol üzrə İtaliya çempionatında qalan matçların təqvimi açıqlanıb

2 İyun 2020 07:35
Baxış: 983
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Futbol üzrə İtaliya çempionatının 2019/20 mövsümünün qalan matçlar təqvimi açıqlanıb.

Milli.Az Trend-ə istinadən bildirir ki, bu barədə turnirin mətbuat xidməti xəbər yayıb.

İtaliya çempionatı mart ayında koronavirus pandemiyası səbəbindən dayandırılıb. Mayın 28-də İtaliyanın İdman naziri Vinçenso Spadafora turnirin iyunun 20-də davam edəcəyini açıqlayıb.

İlk oyunlar iyunun 20-də keçiriləcək və həmin gün oyunları fevral və mart aylarına təxirə salınan komandalar oynayacaq. 27-ci tur 22-24 iyun tarixlərində keçiriləcək, sonra komandalar hər üç gündə bir oynayacaqlar. Final turu 23 iyulda başa çatacaq.

Ölkə birinciliyi üzrə turnir cədvəlinə 26 oyundan sonra 63 xal toplayan Turinin "Yuventus" klubu liderlik edir, ikinci yerdə Romanın "Lasio" (26 oyunda 62 xal), üçüncü yerdə isə Milanın" İnter" klubları (25 görüşdən sonra 54 xal) qərarlaşıblar. Daha əvvəl klublar komanda hazırlıq məşqlərini bərpa ediblər.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.