PUL
.png)
.jpg)
.jpg)
"Penaltini yerinə yetirmək velosiped sürmək kimidir. Sürməyi heç vaxt unutmursunuz".
Milli.Az qol.az-a istinadən xəbər verir ki, bu sözləri Azərbaycan millisinin və "Erzgebirge"nin üzvü Dmitri Nazarov Almaniya 2-ci Bundesliqasının 26-cı turunda "Sandhauzen"ə qalib gəldikləri (3:1) oyunla bağlı danışarkən deyib.
Klubun televiziyasına açıqlama verən 30 yaşlı yarımmüdafiəçi penaltidən qol vurduğu epizodu dəyərləndirib: "Zərbəni yerinə yetirərkən özümdən əmin idim. Qayda pozuntusuna görə rəqibə qırmızı vərəqə göstərilməsindən çox vaxt keçmişdi, amma oyuna köklənə bildik və düşünürəm ki, qələbəyə layiq idik".
Nazarov azarkeşlər üçün darıxdığını da bildirib: "Oyun ərzində bir neçə dəfə maskadan istifadə etdim. Qaydalara əməl etməyə və özünü qorumağa çalışırsan. Qol sevincini qeyd edərkən də, qaydalara əməl etmək asan deyildi. Ümid edirəm ki, gələcəkdə qələbə sevincini azarkeşlərlə qeyd edəcəyik, onlara ehtiyacımız var".
Təcrübəli futbolçu maraqlı qol sevinci ilə bağlı isə bunları deyib: "Qol sevincindən sonra xoş mesajlar aldım, insanların üzlərində təbəssüm yaratdığıma görə sevindim. Hər kəs qol vurduqdan sonra özünəməxsus nə isə edə bilər. Bu hərəkət isə ağlıma anidən gəldi. Hamı mənə sms göndərərək, "gülümsə" dedi və təşəkkürlərini bildirdi".
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
