Almaniya II Bundesliqasında XXIII tura start verilib.
Milli.Az apasport.az-a istinadən bildirir ki, Azərbaycan millisinin futbolçusu Dmitri Nazarovun şərəfini qoruduğu "Aue" səfər oyununa çıxıb.
Saksoniya vilayətinin təmsilçisi Osnabrükdə eyniadlı komanda ilə qarşılaşıb. 0:0 hesabı ilə başa çatan görüşdə meydana start heyətində daxil olan Nazarov oyunu əvəz edilmədən keçirib.
Bu nəticə ilə xal ehtiyatını 31-ə çatdıran "Aue" hazırda turnir cədvəlinin 8-ci pilləsində qərarlaşır.
Milli.Az