İdman

Ərəb məşqçi millimizin futbolçusunu təriflədi

26 Yanvar 2020 11:06
0 Şərh     Baxış: 814

Birləşmiş ərəb Əmirliklərinin "Bani Yas" klubunun məşqçisi Moataz Abdulla millimizin yarımmüdafiəçisi Riçard Almeydanın komandanın heyətindəki ilk oyununu dəyərləndirib.

Milli.Az sportinfo.az-a istinadən xəbər verir ki, Əbu-Dabi təmsilçisində Vinfred Şeferin köməkçisi işləyən mütəxəssis braziliyalı futbolçunun çıxışından məmnun olduqlarını bildirib:

"Komandanın, xüsusən də gənc futbolçuların, eyni zamanda yeni transferimiz Riçard Almeydanın oyunundan razıyıq.

O, komandaya yeni qoşulub, məşqlərini davam etdirir. İnanırıq ki, qarşıdakı matçlarda oyunumuzda əhəmiyyətli dərəcədə yaxşılaşma olacaq".

Almeyda qış fasiləsində "Qarabağ"dan "Bani Yas"a keçib. O, artıq yeni komandasında debüt edib. Birləşmiş Ərəb Əmirllikləri çempionatının 13-cü turunun "Əl Nəsr"lə matçında (1:0) meydana çıxan yarımmüdafiəçi 79-cu dəqiqədə zədələndiyi üçün əvəzlənib. 

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.