İdman

“Keşlə” “yuvasına” dönür - PFL rəsmisi açıqladı

11 Yanvar 2020 10:15
0 Şərh     Baxış: 1 647
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU #FUTBOL #KEŞLƏ FK

Peşəkar Futbol Liqasının nümayəndələri "ASK Arena"ya son baxış keçiriblər.

Milli.Az xəbər verir ki, onlar arenanın qış fasiləsindən sonra "Keşlə"nin oyunlarına ev sahibliyi etməsinə hazır olduğuna qərar veriblər.

Bunu PFL-in Texniki İdman Şöbəsinin rəisi Elgiz Abbasov açıqlayıb. O, sosial şəbəkə hesabında bunları qeyd edib:

"Görülən əsaslı işlərdən sonra "ASK Arena"ya son baxış keçirdik. Stadionu "Keşlə" - "Qaradağ Lökbatan" oyunu zamanı yoxladıq. Qazonda, otaqlarda, ən əsası projektorlarda hər şey qaydasındadı. Kiçik çatışmazlıqlar var ki, bunlar da tez bir zamanda aradan qaldırılacaq məqamlardı. "Keşlə" qış fasiləsindən sonra ev oyunlarını məhz "ASK Arena"da keçirəcək. Bu münasibətlə "Səbail"i də təbrik edirəm".

Qeyd edək ki, "Keşlə" mövsümün əvvəlindən ev oyunlarını məhz "Səbail"in stadionu kimi tanınan "ASCO Arena"da keçirirdi. Bunun səbəbi də 2019-cu ilin sentyabrından etibarən "ASK Arena"nın süni qazonunun yenisi ilə dəyişdirilməsiydi.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.